ஆசிரியர்: இரா.பொன்னாண்டான்

பதிப்பு: டிசம்பர் 2010

விலை: ரூ.100/-

தள்ளுபடி விலை: ரூ.80/-

அஞ்சல் செலவு: சென்னை - ரூ.25/- தமிழகம் - ரூ. 50/-
இந்தியா - ரூ.100/- வெளிநாடு - ரூ.200/-

பக்கங்கள்: 256

பிரிவு: கவிதை

ISBN: 978-93-81134-03-0

நூல் குறிப்பு: பகவத் கீதை உபதேசிக்கப்பட்ட காலத்தின் பின்னாலிலிருந்து இந்நாள் வரை நமது மதிப்பிற்குரிய முனிவர்கள், ஆன்ம ஞானிகள், மகான்கள், பெரியோர்கள், பண்டிதர்கள், ஆசிரியர்கள், சொற்பொழிவாளர்கள் இன்னும் பிற அறிஞர்கள் எல்லோருமே நமக்கு உபதேசிக்கும் அனைத்து வாழ்வியல் சிந்தனைகளும் கண்ணனின் கீதையிலிருந்து எடுக்கப்பட்டவைகளே. வடிவங்கள் வேறாக இருக்கலாம். மூலவஸ்து அதுதான். நமது ஒவ்வொரு இல்லத்திலும் இருக்க வேண்டிய அருமையான நூல் இது. இந்த நூலை குழந்தைப் பருவம் தொடங்கி வயோதிகர் வரை ஐயமற படித்துத் தெளியலாம். அவ்வாறு கற்றால் நமது சமூகம் மேன்மையுறும் என்பதில் எள்ளளவும் ஐயமில்லை.

பதினெட்டு அத்தியாயங்கள் கொண்ட பகவத் கீதையைப் பலர் உரைநடை வடிவில் தந்திருக்கிறார்கள். இரா.பொன்னாண்டான், பகவத் கீதையைக் கவிதை நடையில் வழங்கியிருக்கிறார். பகவத் கீதையின் சாராம்சக் கருத்துக்கள் சிதையாமல், அதன் போக்கிலேயே கவிதை நடையில் கொண்டு வந்து நிறுத்தியிருக்கிறார். கடின வார்த்தைகளின்றி எளிய வார்த்தைப் பிரயோகம், பகவத் கீதையை முழுதுமாகப் படிக்கத் தூண்டிவிடுகிறது. பகவத் கீதை வெறும் உபதேசமல்ல, வாழ்வியல் சந்தேகங்களுக்கு விடையளிக்கும் ஒப்பற்ற நூல் என்ற வகையில் நூலாசிரியரின் செயற்பாடு ஏற்றம் கொள்வதாக அமைந்துள்ளது. அத்துடன் எல்லோருக்கும் புரியும் வகையில் சமகால உதாரணங்களைக் காட்டி விளக்கிச் சொல்லும் பாங்கும் நூலாசிரியரின் கவிதைத் திறனை பறைசாற்றுவதாக உள்ளது.